سمجھتا ہوں میرے پرفارم نہ کرنے سے ٹیم یہاں پہنچی، شاداب خان

 سمجھتا ہوں میرے پرفارم نہ کرنے سے ٹیم یہاں پہنچی، شاداب خان

سمجھتا ہوں میرے پرفارم نہ کرنے سے ٹیم یہاں پہنچی، شاداب خان

میں اپنے آپ سے بھی مایوس ہوں، میں توقعات پر پورا نہیں اترا، مجھے پرفارم کرنا چاہیے تھا،گفتگو

نئی دہلی ( اخبارتازہ ترین - این این آئی۔ 12 نومبر2023ء) پاکستان کرکٹ ٹیم کے نائب کپتان شاداب نے کہا ہے کہ میں سمجھتا ہوں کہ میرے پرفارم نہ کرنے سے ٹیم یہاں پہنچی۔میڈیا سے گفتگو کرتے ہوئے شاداب خان نے کہا کہ میں اپنے آپ سے بھی مایوس ہوں، میں توقعات پر پورا نہیں اترا، مجھے پرفارم کرنا چاہیے تھا۔انہوں نے کہا کہ کرکٹ میں یہ ہی سبق ہے کہ ہمیشہ بہتر ہونا ہے، ہر ٹورنامنٹ میں جیت کی کوشش کرتے ہیں، پوری ٹیم اور کوچنگ اسٹاف ہر کوئی مایوس ہے۔

شاداب خان نے کہا کہ اگر میں بطور بولر پرفارم کر پاتا تو رزلٹ مختلف ہوسکتا تھا، میرا پرفارم کرنا بہت ضروری ہے، واپس جا کر تجزیہ کروں گا کہ کیا کیا غلطیاں ہوئیں۔قومی ٹیم کے نائب کپتان نے کہا کہ ہماری کافی غلطیاں اور کمزوریاں رہیں اس لیے باہر ہوئے، ہم تینوں شعبوں میں ناکام رہے لیکن خاص طور پر بولرز پرفارم نہ کر سکے، بیٹنگ میں بھی ہمیں ماڈرن ڈے کرکٹ کے مطابق کھیلنا ہو گا۔انہوںنے کہاکہ ہمارا کلچر ہی ایسا ہے کہ ہر چیز کپتان پر ڈال دی جائے، ہم بطور ٹیم اچھا نہیں کھیلے ہم سب ذمے دار ہیں، صرف کپتان جیت یا ہار کا ذمے دار نہیں ہوتا، سب کا کردار ہوتا ہے۔

#psl #shahdabkhan #cricket #pakistan #babarazam #shahidafridi #pcb #wasimakram #muhammadamir #icc #cricketlover #instagram #hassanali #haiderali #waqaryounis #cricketfever #fakharzaman #cricketer #imrankhan #shoaibmalik #islamabad #shoaibakhtar #rohitsharma #jhelum #chakwal #lahoreqalandars #azharali #msdhoni #saeedajmal #umargul